SHUGABA MATAR SARKI Page 2,3,4

SHUGABA🎠🎠🎠🎠🎠🎠🎠🎠🎠🎠🎠🎠🎠🎠🎠🎠🎠🧕🧕🧕🧕🧕🧕🧕🧕🧕🧕MATAR SARKI🏇🏇🏇🏇🏇🏇🏇🏇🏇🏇🏇🏇🏇🏇👳‍♀👳‍♀👳‍♀👳‍♀👳‍♀

Pg 2

MAKURDI,JIHAR BENUE!!!

Ikram ta fito a cikin kyakyawar shiri!
Boiler na biye da ita rike da jakar ta!

Labaran da yayi tsayuwar zuba hannayen sa a cikin aljihu yayi fito!

Baby da boiler an hadu,har an chure!
Yau mutanen garin nan zasu sha kallo!

Boiler dai ta dake,bata CE dashi ci kanka ba!
Ikram CE tace Yaya dai gayu?
Gayu mutanen Allah!
Yaya shan panadol?
Ka dai gasa goshin ka,ka kuwa ga Zai yi kululu!

Labaran ya Shafa kansa!

Boiler kallon banza ta wurga masa a yayin da ya tsugunna har kasa yana gaishe ta cikin izgili!
Gafara!
Kaima kasan ba damuwa nayi da gaisuwar Ku ba.
Nidai in wayi gari in ji Ikrama lafiyar ta kalau!
Me kuma nake nema banda wannan?
Labaran ya tashi tsaye yana fadin ,ko in zo in kai Ku inda zaku ne?
Kafin Ikram ta amsa boiler ta karbe,A'a!
Kayi ta zaman ka a gida,tare da masu zaman gida!
Ina zan yarda ka tuka mu,ka je ka yar damu riba benuwe?

River Benue ake cewa,ba riba benuwe ba!
To na ji sarkin iya yi!

A daidai nan sa'adu comrade ya ci karo dasu,ya tsugunna har kasa ya gayar da malama!
Yau ba'a fita bane? Ta tambaya cike da kulawa!
Muna nan tukun ya amsa,batare da ya dauke idon sa Daga kan Ikram ba!

Malama tace to Allah yayi jagora!
A dai daure ana Neman halaliya!
Ai kuwa wannan ya zama dole ya amsa!

Kasancewar gidan na da tsawo yasa suka cigaba da tafiya,a yayin da suke ta haduwa da Yan aikin gidan!
Sai da suka kure gida,suka yi kwana,sai ga su a wani katon falo!

Alh.Sharehu na ganin mahaifiyar sa,ya taryo ta!
Malama an fito!
Eh! Zan raka ikrama siyayya ne!

Yara ne maza su uku samari zazzaune gaban Alh.

Babban mai suna Bello ya gayar da ita!
Bana cin mike! Gaisuwa sai na roka,a matsayina na uwar ubanku??
Umar ma ya gaishe ta.Ta amsa tana fadin,kai nayi maka uzuri saboda kana da kulafuci in ka ga dama,amma kun ga wancan Anas din mai kai kamar ya dau gammo?
Kai ko ka gaishe ni bazan amsa ba! Haka kuwa akayi,ya gayar da ita,ta kawar da kanta!

Sai dai sun yi shiru da magana har sai da Alh.sharehu ya sallameta da kudi masu kauri!

Ya mikawa ikram nata!
Sai da ta duka a gaban sa,ya gaishe shi tukunna ta karbi kudin!

Malama na kallon ta cike da sha'awa! Yawwa ikrama ai haka ake so!
Amma yara ace Baku da da'a? Ai zama kudu bai yi ba.
Inama Kano ka tura su,su kiyi kyawawan halayya!

Nan dai akayi shiru har ta FIta.Saboda kowa na mugun tsoron malama!

Kwas! Kwas!! Kwas!!!

Labaran ne mai tsokana!
Sai malama

SHUGABA🎠🎠🎠🎠🎠🎠🎠🎠🎠🎠🎠🎠🎠🎠🧕🧕🧕🧕🧕🧕🧕🧕🧕MATAR SARKI🏇🏇🏇🏇🏇🏇🏇🏇🏇🏇🏇🏇👳‍♀👳‍♀👳‍♀👳‍♀👳‍♀👳‍♀👳‍♀👳‍♀👳‍♀

Pg 3

DAKIN TARO!!!!!

Bayan sati daya!

Bello,Umar, da Anas suna zaune a layi daya a kasa cikin sadda kai kasa!
Boiler tana zaune saman kujera,a yayin da Ikram na zaune kasa a gaban ta, tana rike da hannun ta!
Shi kuma Labaran yana zaune can Daga bakin kofa,ya sha babbar Riga da ta sha aiki aska biyu!
Banda irin rana ta yau da yake wankin kayan sa,babu abinda ke hada shi da wannan hamshakiyar rigar!
Ko irin yau din ma,don korafin boiler da take yi cewa kada ya sake ta ganshi da Riga vest da boxers! Don ita bata marmarin ganin tsiraicin sa!

Irin zaman da Labaran yayi ne ya tabbatar da cewa babu komai a jikin sa in ba gajeren wando ba!

Kowa ya nutsu!
Sai Alh.yayi musu sallama! Gaba daya suka amsa!
Alh sharehu ya kalle su daya bayan daya!
Abinda yasa na Tara Ku,don in yi muku godiya kan hadin kan da kuke bani koda yaushe!
Kowa yayi tsit!
Sai Labaran ne yace,AI dole mu baka hadin kai!
Don kayi ne wallahi!

Oh! Boiler ta rike baki.
Wallahi har yau ban San inda Talatuwa ta samo wannan da ba!
Zaka yi shiru ubanka yayi magana? Ko dai kai ka tara mu anan?
Labaran ya gyara bakin sa, tare da hararar boiler ta kasan ido,Wanda yake sako ne Daga ita sai shi!
Ai kuwa Daga can ta wurga masa dakuwa!
Labaran ka ci gidan Ku!
Na CE ka ci kundun ubanka!
Alh.sharehu ya ba malama hakuri.
Duk da dai kowa ya zaci ba abinda akayi mata!
Masifar ta ke cin ta as usual!
Ikram da abin ya kona mata rai tace ina zuwa!
Ko dai in raka ki?
Lokaci daya Umar da Anas suka kalle su!
Boiler tace dasu ,Ku kuma me kallo ke so?
A'a malama jira ina zuwa yanzu!
A hanyar fitar ta sami hannun Labaran ta take shi!
Ya maza ya janye yana yarfarwa!
Eyya! Sorry pls Ashe a hanya ka zauna,na taka ka!
Bayan ta dawo ne Alh.sharehu ya cigaba da bayanin sa!
Abinda yasa muka taru anan kan karatun yaran nan biyu da suka rage basu sami shiga jami'a ba!
Wato Labaran da Ikram!
Ina mai farincikin shaida muku cewa,dazu ake sanar dani cewa sun sami gurbi a jami'ar nan da nake nema musu wato Nile!

Malama tace Alhamdulillah!
Allah na gode maka.
Ikram ta kankame malama cikin jin dadi!

Yaushe zamu tafi ne inji malama?
Alh.sharehu cikin murmushi ya amsa,to ke malama da ke za'a yi rakiyar ne?
Rakiya? Ta tambaya tana mai dafe kirji!
Ai karatun lauyancin dungurungum da ni za'a yi!
Bari ka ji sharudda! Dole ne ma ka kama mana gida!
Sannan ikrama ta zabi yar aiki daya da ta yarda da ita mu tafi tare!
Lallai Ashe abin babba ne in ji Alhaji!
To ke Ikram haka zaki tafi makaranta da kakar taki?
A cikin shagwaba ta amsa,ai baba haka ne kam!
Ni bazan ko iya karatun ba inba malama kusa!
Alh.sharehu ya kada Kansa!
Bello da ya ga alamar zance ya zauna,sai yace,wai Ku da gaske kuke ko wasa?
Ke Ikram kin ko San abinda kike yi?
Wannan wane irin abu ne? Zaki tafi school da malama?
Ikram ta labe bayan Malama ta murguda masa baki!
Ke! Ashe baki da kunya?
Malama ta tashi tsaye tana gyara daurin zani!
Ai Kaine babban marar kunyar!
Ina Ruwan ka da ikrama?
Ina Ruwan ka da rayuwar ta?
Ko Goya ni zata yi tayi ta yawo meye naka a ciki?

Alh sharehu ya shiga ya ba Malama hakuri!

Shi kuwa Labaran  da tun da akayi albishir din samun admission bai CE komai ba sai yanzu ya yi Gyaran murya tare da sallama!
Gaba daya aka amsa!
Sai ya taso ya zo tsakiya ya tsaya!
Banda Alh.sharehu,kowa na hango boxers dinsa ta cikin babbar rigar da ya saki don tsabar hasala!

Don Allah tambaya zan muku!
Tun da na shiga makaranta na gama,kun taba ganina ina karatu ko bita ,don jarrabawa ko wani abu??
Masu amsawa suka CE a'a!
Yawwa! Ko kun taba ganin na yo na biyu ,ba na daya ba a aji fisabilillahi!
Nan ma akace a'a
Baba in baka manta ba,ni ke zuwa best student a duka darussa!
Alh.sharehu ya gyada Kansa.

To ban yarda in yi karatu a Nigeria ba wallahi?
Don bazan iya hada hanyar makaranta da su ikram ba!
Ko a nema mun gurbin karatu a Turai,ko a barshi in zauna da jahilci na!
Dama jahilci ba hauka ba inji hausawa!

Kowa ya saki baki yana kallo,tare da sauraren Ikon Allah!
Bello ne ya daka masa tsawa!
Kai! Baka da hankali ne? Har yaushe za'a samo maka gurbin karatu a private university kace bazakayi ba sai a kasar waje?
Waye sa'arka da zaka kafawa hujja anan?
Umar murmushi yayi,shi da ya dau abin hauka tsabage!
Shi ko Anas yace,karatu ne baka tashi ba!
Ikram gwalo tayi masa!
Ya kufula,ya hasala yana huci!
Malama boiler ta kalli danta Alh.sharehu!
To kai ka ji,ga ka'idar da danka ya gidanya maka kan karatun da Zai amfani rayuwar sa!
Alh.sharehu dayake mutum ne shi mai sanyi kamar ruwa,ya gyrmara zama yace,to ni bani da Matsala!
Ka je can kai da kakar ka,duk abinda kuka yanke shi zan muku!
In karatu anan din ne,ko karatu a can din!

Boiler tayi murmushi, har hakorin makkan ta ya bayyana!

To bari ka ji hukunci na Labaran! Ba na daya kake dauka a makarantun da kayi ba,ba kuma wai ka  ciyo ma ubanka kyautukan yabo ba,ko kwakwalwar ka na aman albarussai,tare da harsasan wutar kokari da hazaka,to bazaka tafi kasar waje karatu ba!
Wanna kenen!!!

Heekma!

08061608583

SHUGABA🎠🎠🎠🎠🎠🎠🎠🎠🎠🎠🎠🎠🎠🎠🧕🧕🧕🧕🧕🧕🧕🧕🧕🧕🧕🧕MATAR SARKI🏇🏇🏇🏇🧝‍♂🏇🏇🏇🏇🏇🏇🏇🏇🏇🏇🏇🏇🏇🏇🏇🏇🏇👳‍♀👳‍♀👳‍♀👳‍♀👳‍♀👳‍♀👳‍♀👳‍♀👳‍♀👳‍♀

Pg 4

SHIMFIDA!!!!!!

Malama Rukayya jajirtattan mace CE mai rayuwa a garin Kano!
Tana tsugunne a wani karamin gida a cikin tsakiyar garin Kano,inda Mijin ta ya mutu ya bar ta da yara uku!
Maza biyu,da mace daya!
Dama shi Mijin ta Dan kasuwa ne mai karamin zarafi!
Ita kuma malamar tsabta CE,irin wadanda ake kira Duba gari a da!
Anan ne ta samo sunan ta malama,haka mutanen gari ke kiran ta,haka yaranta suka tashi suna kiran ta!
Rasuwar maigidan ta dole ya sauya musu rayuwa!
Amma dayake jaruma CE,kuma a jajirce take,da dangin Mijin ta suka taso zasu raba mata yara tamkar gumbar sadaka,sai ta taso da halin wato masifa tace bata yarda ba!
A dalilin haka ne babban Santa Sharehu ya kama kasuwanci,tun kafin ma ya kammala karatun sakadire!
Daga bisani ma watsar da karatun yayi,ya nufi jihar Benue Neman kudi!
A wancan zamanin Abokin sa Sa'ad,Wanda aka fi Sani da comrade, shi ya fara muna masa FIta Daga kwaryar Kano,zuwa wasu birane kasancewar sa Dan boko ,da yawon duniya!

: Malama ta sami sauyin rayuwa!
A dalilin babban danta Sharehu da ya sami nasibi akan harkar hada hadar kasuwanci!
Sai dai ita mace CE mai kwadayin ilmin zamani!
Amma tayi tayi da danta ya koma matar boko ya ki,shi dai yafi ganewa kasuwanci!

A haka ta ba sauran yaran ta biyu ilmi.

Mai bin Sharehu shine baban Labaran jikan ta,da take fama dashi a yau!
Baban Labaran bai yi tsawon kwana ba Sam!
Don bayan an masa auren zumunci da Talatu,bai bar karatun boko ba har suka haifi Labaran!
Rana daya aka kwana dashi,ba'a tashi dashi ba a sanadiyyar ciwon ciki da yayi ajalin sa!

Ita kuma kanwar su,da ta isa aure soyayya ta kullu tsakanin ta da aminin Sharehu wato sa'ad comrade!
Ba jimawa akayi musu aure!
Anan Kano ya barta kusa da gidan malama,inda ya cigaba da yawon sa na duniya da Neman ilmi!

Itama ta sami juna biyu,ta zo haihuwa ta haifi Ikram ta mutu ta barta!

Daga wannan lokacin rikon yaran ya dawo hannun malama!
Da Alh.Sharehu ya ga haka sai ya dawo da ita garin Neman kudin sa MAKURDI jihar Benue!

A wannan lokacin Alh sharehu na da mata biyu.Su ne suka haifi Bello,Umar da Anas!
Sai dai ba kowace irin mace bace ke iya zama da malama ba!
Tsabar masifar ta,da takura yasa Matan ke tafiya a wancan lokacin!
Amma a yanzu da ya yi maganin abin ,yayi mata sashin ta daban!
Matan da yake tare dasu su biyu yanzu,basa ko shiga shirgin ta!

Asalin suna Boiler ya samu ne a daga bakin Labaran!
Amma sauran yaran su ma suna kiran ta Boiler, amma a boye!
Shi kuma dayake yana da karancin kunya ,a gaban Alh ne kadai baya amabaton ta da Boiler!

Babu kuma abinda ya haddasa wannan rashin shiri tsakanin boiler da Labaran irin yadda yake ganin Malama bata bashi cikakken kula yadda take ba Ikram!
Don a ganin sa ba fin sa tayi da komai ba!
Don me zata fi shi a zuciyar Malama???

: Tun daga ranar da akayi meeting dinnan!
Labaran ya koma yiwa Boiler ladabi da biyayya!
An dai yi na sati biyu!

Rannan ranar jumma'a!
Ya sha wanka ,ya je Masallacin jumma'a ya dawo jikin sa sanye da babbar Riga!
Duk wannan kwalliyar domin Boiler!

Yana dawowa kuwa ya tsugunna har kasa ya gayar da ita kamar gaske!
Ta amsa tana mai kare masa kallo!
Ya bata ledar hannun sa!
Ga tsarabar Masallaci malama.
Ah!to!
Yau me na samu?
Tana budewa daidai Ikram na sallame salla,ta leko kanta kallon tsaraba!
Zuma,dabino,yogurt da turare!
Ikram ta bushe da dariya.
Labaran ya daure bai kula ta ba!
Ta dau dabino ta fara ci!
Dama zancen karatu na ne,nake so kiyi wa baba magana!
Ikram ta kwashe da dariya,kace kayan da ka sanya,da kuma wadannan abubuwan da ka siyo na introduction ne kan zancen school abroad?
Hmmm! Wonders sha never end!
Kawai hararar ta da yayi,da kuma cewa yayi ina Ruwan ta?
Boiler ta hasala tace ya fita.
Labaran ya tashi tsaye yana fadin,duniya babu adalci!
Shikenan don bani da uba sai a dinga wulakanta ni???
Ya dauki ledar da ya kawo ya kama hanya!
Bazan bar muku kaya na ba,ya nufi wajen Ikram ya kama mata baki ya matso dabinon da take taunawa!
In kin isa ki ci abina shege nake!
Yar nema mummuna bakar shagwababba!

Boiler ta yo Kansa da sauri,ya cire rigar sa ya wurga mata a fuska!
Kukan Ikram yasa ta kyale shi,ta je ta kamo ta ta rungume tana bambami!
A bakin kofa ya karasa tube kayan sa,ya zama daga shi sai boxers yayi mata gwalo ya wuce!

Barr Rahma