Jaruma Nafisa Abdullahi ta fara sabuwar sana'a

A dai dai lokacin da ake ta gudanar da
shire-shiren bukukuwan karamar sallah a
kasashen da dama na musulmai, batun da
kan jefa mutane -maza da mata, yara da
manya- dayawa cikin zullumi shine na
ganin sun mallaki sabon dinkin sallah.

Sai dai ba kowa ne ke samun hakan ba
saboda rashin alkawari irin ta teloli da
kan saka jama'a da dama cikin kunya
sakamakon kin yi masu dinkin Sallar su
cikin lokaci.

Dandalin Kannywood: Jaruma Nafisa Abdullahi
ta fara sabuwar sana'a

NAIJ.com ta samu cewa watakila
wannan na daya daga cikin abubuwan
da suka tunzura jarumar fina-finan
Hausa ta masana'antar Kannywood,
Nafisa Abdullahi ta yanke shawarar
bude sabon shagon dinki.

Jarumar ta bayyana hakan ne a shafin
ta na sadarwar zamani na Tuwita inda
ta sha alwashin cewa daga wannan
Sallar tela ya dena mata yangar dinki
dan kuwa zata bude shagon dinkin ta.
Hasalima fitacciyar jarumar ta ce ita
tuni an kammala yi mata dinkunanta.

Haka zalika jarumar tace ta shirya tsaf
don bude shagon dinkin nata bayan
sallah inda tuni ta tanadi teloli da duk
wani abu da take bukata dan fara
wannan sana'a.