_*SHAK'UWA CE*_Part-5

    
                 *SHAK'UWA CE*

           

   
                             05

*©Sameena Aleeyou...✍🏽*

_🌈KAINUWA WRITERS ASSOCIATION 🤝_

Cak ta tsaya sai faman muzurai take ganin AT na zuge glass d'in motar sa.

Fuska babu walwala yake duban su, itakam Maryama tunda Aunty Aysha ta rasu tayi noticing wannan canzawan da Uncle yayi,  sam duk SHAK'UWAR dake tsakanin su a baya yanzu babu ita,  kai gaba d'aya ya canza ya kuma zama miskili na k'arshe,  magana ma ba kasafai yake yinta ba har sai ta zame masa dole.

"Emm barka da yammaci Dr." Cewar Buzu had'i da d'an sunkuyar da kansa.

Tsaf AT ya gane Buzu,  yaron layin ne wanda yake tunanin courting Maryama yake, domin so tari yakan gansa har gidan Hajiya yana shiga ya gaishe ta. Saida ya d'anyi still kaman bazai amsa ba sai kuma yace "Barkan ka." A tak'aice.

Maryama kam k'irjinta ne keta faman lugude. A hankali ta bud'e murya tace "Uncle sannu da zuwa."

D'an dubanta yayi kafin yace "Ya baki tafi islamiyan ba kika tsaya a nan."

Maryama ta kuma rungume K'ur'anin ta dake rik'e hannun ta kafin tace "Uncle dama latti nayi shine Haris yace bari ya saka ni." _Haris shine asalin sunan Buzu._

Kallon Buzu AT yayi kafin yace "Kana iya tafiyar ka ko,  zan kaita."

Buzu ya d'an murmusa had'i da sadda kai kafin yace "Toh Dr babu matsala,  Allah Ya taimaka."  Maryama sai k'yafta masa idanu take kan yayi ta'aziya ma AT.

Har ta zaga mazaunin mai zaman banza zata shige ta jiyo muryan Buzu yanai ma AT ta'aziya...  Still babu walwala saman fuskar sa haka ya amsa wa Buzu.

Kai tsaye Buzu gidan su ya gangara yayinda AT da Maryama suka d'au hanyar islamiya.

Cikin tsanaki yake driving d'in idanun sa naga bisa kwalta.  Gaba d'aya sai ji tayi she's not comfortable,  ta fi saba da wasa da dariyar da suke a baya,  sam bata jin dad'in wannan changes d'in nashi, tausayin sa na rashin matar sa kuma uwar 'ya'yan sa ya kuma rufe ta.  Muryar sa ne ya katse ta sanda yake fad'in "Maryam ba na hanaki shiga motar saurayi ba ko wani iri ne?"

Maryama tayi shiru tama rasa masar da zata basa....  Jin ta soma 'yan kame kame yasa shi ci gaba da fad'in "Kar ki sake attempting shiga motar kowa idan dai bana gida ba kinji,  komin rashin nisar wajen da zaku je."

Gyad'a masa kai tayi kafin tace "Bazan k'ara ba Uncle insha Allah,  dama yanzun ma tsoron duka nake shiyasa zan shiga ya rage min hanya."

AT ya d'an juyo ya dubeta yanda tayi maganar cike da tsoro,  shakka babu tsoron dukan take ji. Bai kuma fad'in komai ba har suka iso k'ofar Makarantar.  Yana gama parking ta bud'e k'ofar ta sauk'o cike da tsoro,  ga wasu Malamai kuwa sai tsaron latti suke.

Ga mamakin ta sai ganin AT tayi ya sauk'o ya nufi Malaman,  bayan sun gaisa bata jiyo maganar da ya masu ba,  kawai dai ta hangi fuskokin su sai murmushi suke suna girgiza kai alamun babu komai.

Juyowa yayi yanda ya barta nan tsaye, itama shi take duba....  Tana jiyo muryar Malam Kabiru yana fad'in "Maryama kizo ki shige ai ke baki latti sai ta b'aci."

Da murmushin ta take kallon AT dake k'ok'arin bud'e marfin motar sa tace "Na gode Uncle."

Murmushi kawai shima ya mata kafin yace "Allah bada sa'a koh." Daga haka Ya shige motar sa ya bar wajen.

***************

Gidan da yaga Haris ya shige nan ya k'arasa yayi parking motar sa a k'ofar gidan, kafin ya bud'e motar sa ya fito..  Kaman daga sama saiko ga Buzu ya turo gate ya fito.

AT ya tsaya yana karantar yanayin yaron sosai da yanayin dressing d'in sa..

Buzu ya fad'ad'a murmushin sa yana mai k'arasowa wajen AT dukda Charsman AT ya cika masa idanu.

AT ya d'an Saki fuska kafin ya mik'a ma Buzu hannu sukai masabaha. Kaman babu mai cewa komai sai kuma AT ya katse shirun da fad'in "Malam Haris ko."

Buzu ya gyad'a kai yana murmushi alamun eh haka.

AT ya d'anyi jim kafin yace "Nasan kai mak'ocin Maryama ne sannan har gida ka kan je ka gaida Hajiya."

Buzu ya kuma gyad'a masa kai.

AT ya d'an saka makullin mota ya sosa kunnen sa kafin yaci gaba da fad'in "Toh Malam Haris kayi niyyan taimako Allah Ya saka, ban hanaka zumunci da Maryama da Hajiya ba amma ina so daga yau kada ka kuma attempting d'aukar Maryama a mota ita k'wallinta d'aya ka gane." ya k'arashe yana mai duban Buzu.

Gyad'a masa kai Buzu yayi cike da shakku kafin yace "Insha Allah hakan bazata sake faruwa ba Dr za'a kiyaye."

AT ya d'an murmusa da gefen bakin sa kafin yace "Yauwa madalla da fahimtar da kayi min koh..." Ya kuma mik'a masa hannu sukayi masabaha kafin Buzu yace "Allah Ya tsare,  a sauk'a lafiya..." Sanda AT ya k'arasa motar sa ya tada ita ya nufi gidan Hajiya.

Buzu ya bisa da kallo har motar sa ta shige gidan Hajiya kafin ya zauna saman benchin mai gadin su yana tunanin tsarewa irin na Dr Tahir.

*************

"A'ah,  maraba lale lale...  Attahiru yau kaine a gidan namu,  Masha Allah tunda yau har ka samu ka fito." Hajiya dake zaune bisa darduman ta k'asar bishiyar ta na hutawa ta fad'i.

D'an murmushi AT yayi kafin ya zauna daga can gefe yana mai gaida Hajiya.

Sai nan nan Hajiya take dashi,  duk masifan da take masa sam yanzu ta rage tunda Aysha ta rasu,  hasali ma yanzu tausayin sa take ji sosai sosai.

Ta soma k'ok'arin mik'ewa domin kawo masa abin tab'awa. 

AT ya girgiza kai kafin yace "A'a Hajiya da kin barshi kawai,  ai ban jima da cin abinci ba ma."

Hajiya ta tsare sa da idanu tausayin sa na kuma ratsa ta kafin tace "Anya Attahiru,  kafah duba kaga yanda duk ka rame ka lalace, ko gado ne kam za'a baka a asibiti."

D'an murmushi yayi kafin yace "Lafiya lau nake Hajiyata, Hajiyan Maryama."

Ganin ya d'an Saki ransa har yana k'ok'arin raha yasa Hajiya taji d'an dama dama,  komawa tayi ta zauna a mazaunin ta tana tambayan sa jikokin ta.

AT yace "Ai duk sun fice,  Shema'u ta fita dasu ko zasu d'an mance abin."

Nan da nan Hajiya tayi kicin kicin da fuska jin an anbaci Shema'u,  bata san dalili ba amma sam tak'i jinin Zabiyar dadar Ayshan nan,  kai yanda taki jinin Kulu,  haka tak'i jinin Shema'u,  dama Aysha ce zakka cikin su a cewar Hajiya.

"Toh, toh toh,  ai yayi kyau." daga jin yanda tayi maganar zaka gane ba har ranta bane,  don kuwa Hajiya sam bata da b'oye,  idan tak'i jinin ka kai tsaye take fad'a maka,  ko ya maka dad'i ko kar ya maka, yanzu ma sabida 'yan jikokin ta ne ta fad'i hakan,  amma sam tak'i jinin Shema'u. Gani take shantak'ewar ta kurum take tak'i aure,  tayi boko har ta digirgire.

Ta d'an muskuta kafin tace "Nikam Attahiru nace ba,  yaushe ne Kulu da d'iyarta zasu tafi tunda dai naga har anyi bakwai ana harin ashirin."

AT ya d'anyi jim kafin yace "Hajiya ai inaga zamansu a nan d'in na d'an wani lokaci har abin ya samu ya bar jikin yaran kaman zai d'anfi,  tunda ba iyalai ne dasu ba koda sun koma can Jalingon."

Tsegege kurum Hajiya ke kallon sa,  tana son sille sa tana tausayin sa.  "Uhm haka ne, hakan yayi." Abinda ta iya fad'i kenan had'i da kauda kai gefe tana mai tab'e baki.

Shiru ne ya d'an biyo na wasu lokuta kafin AT ya d'an gyara zaman sa yace "Hajiya nikam nace ba,  shi wannan yaro na nan mak'otan ku,  farin yaron nan menene tsakanin su da Maryam?."

Hajiya ta murmusa kafin tace "Au wai Harisu,  Allah sarki Harisu yaron kirki,  ai kana ganin sa watarana a nan."

AT ya gyad'a kai kafin yace "Eh hakane,  shiyasa nake son sanin ko akwai wata alak'a a tsakanin su."

"Munadai mutunci,  har mahaifiyar sa ma muna mutunci da ita,  ai mutane ne masu karamci,  ni banida burin da ya wuce ma su daidaita tsakanin su shida Maryama,  kaga da zaran ta gama karatun ta sai a soma maganar biki tunda naga shi yaron kaman najin wani abu gameda ita." Ta k'arashe tana mai murmushi had'i da goga aswaki a bakin ta.

Dumm! Haka AT ya tsinci maganganun Hajiyan.  Ya jima yana kallon wani waje guda kafin ya soma girgiza kai yana fad'in "A'ah Hajiya,  Maryam ba yanzu zatayi aure ba sai ta k'ara girma da karatu,  sannan ni zuciyata bata kwanta da wannan yaron ba gaskiya. Karma a soma barinta tana zance tun yanzu,  don inada tsarin da na masu daga ita har Sajida."

Karan aswakinta kurum ta rik'e tana dubansa ba tareda ta furta komai ba.  Kai Attahiru fah ya kusan kaita bango,  ya kusan sakata ta sille sa. B'angare na zuciyarta ta shiga tausan ta tana nuna mata shid'in har yanzu cikin damuwa da alhinin rashin matar sa yake.  Bata ce masa komai ba  sai rangad'a kirawa Atine mai mata aiki data shiga yi.

*********

Yaran sai yawo suke cikin Mall suna zab'an abubuwan da suke so,  fuskokin su sun cika da annuri,  ko meye suka nuna suna so Shema'u zata ce su d'auka da murnan ta without any hesitation..... Daga ganin su zakasan they are having a great time.

Wayar Shema'u ne ya soma ringing,  nan taga Hisham ne mai kira.  D'an satan kallon yaran tayi taga hankulan su gaba d'aya naga shopping, cikin sauri ta d'aga wayar tana mai matsawa gefe kafin tace "Ehen ina jinka,  what's new,  what's on the ground."

K'asaitacciyar murmushi yayi kafin yace "I can see you're having such a great time with your kids.  Abu ya soma tafiya perfect kice."

Murmushi ta d'anyi kafin tace "Na fad'a maka zan yi komai to win AT and his kids...  Wait yaya akayi ka ganmu.?"

Murmushi ya kuma yi kafin yace "Na fad'a maki I've eyes everywhere. Na ganku sannan naga masoyin ki tareda wata a mota."

Dumm! Sautin da k'irjin Shema'u ya bada,  cikin rawar murya take fad'in "Hisham wacece ita,  wacece ka ganta da AT.? Whoever that bitch is, I swear I'm gonna kill her.. Hisham ka fad'a min pls." Gaba d'aya ta birkice lokaci guda.

Dariya Hisham ya kuma yi kafin yace "Idan kinason jin komai in details, then you should come to my apartment,  ni kuma sai na fad'a maki ko wacece harma na k'ara maki da ways d'in da zaki zama rid of her.."

Cikin daburcewa wayar na damk'e a kunnen ta take fad'in "Wllhi zan zo,  nayi maka alk'awari zan zo..."

Hisham yayi dariya kafin yace "I'll be expecting you tonight." Daga haka ya kashe wayar d'if yana wani irin shu'umin dariya.

Cak Shema'u ta tsaya tana rik'e da wayar a hannun ta tana wani irin turiri da huci ita kad'ai, tana tunanin irin kisan gillan da zatayi ma duk matan dataji an ganta tare da AT...  Kaman daga sama ta jiyo muryar Sajida tana fad'in "Aunty Shemah lafiya,  me ya faru kika tsaya ke kad'ai a nan,  and you don't seem well."

K'ak'aro murmushi Shema'u tayi gamida k'arasowa ta rik'e hannun Sajida tana fad'in "Ah em, is nothing sweetheart,  I just received a call from my boss,  wai yana gaya min banzo office ba na tsawon kwanaki nayi neglecting aiki na.  Sweetheart ni kuma wllhi kunfi min aiki na,  I can't abandon you sabida aiki na. He can go ahead and fire me idan dai akan farin cikin ku ne." Ta k'arashe tana gyara ma Sajida zaman rap round d'in dake kanta.

Murmushi Sajida tayi soyayyar Auntyn nata na kuma ratsa ta,  kafin ta rungume ta tace "I love you Aunt, you the best."

Shemah ta murmusa itama tana mai hugging Sajida take fad'in "Nima ina sonki Sweery,  both you and your siblings." Cikin zuciyarta kuwa tamkar ta shak'e Sajida haka take ji,  babban burinta a yanzu shine ta ganta gaban Hisham,  taji wata mai neman barin duniya ne take rab'an AT.

*Sameena Aleeyou Mrs*