_*SHAK'UWA CE*_Part-2

           _*SHAK'UWA CE*_

       

                         02

*©Sameena Aleeyou...✍🏾*

_KAINUWA WRITERS ASSOCIATION 🤝_

#

"Maryama don Allah ki bari mu wuce gida mana gaba d'aya." Sajida tace sanda suke shiga kwanar Janbulo.

D'an jim Maryama tayi kafin tace "Kar ki damu Sajida idan dai naga jikin Ummi da sauk'i sosai zan biyo Uncle idan yazo gaida Hajiya sai mu kwana tare."

Sajida ta murmusa kafin tace "Shikenan na amince, Ki  gaida (Maama Juu) da jiki."   _Maama Juu shine sunan da Sajida da k'annen ta suke kiran Ummin Maryama da shike itace ta raine su gaba d'aya tun daga kan Sajida har zuwa kan autar su Ni'ima._

Maryama ta gyad'a kai tana mai amsawa da zata ji,  kafin sukai sallama ta shige gida,  Sajida na fad'in "Ki gaida birkitacciyan tsohuwar nan."

Dariya sukayi gaba d'ayan su Maryama tace "Zaki sani ne ai idan dai Hajiya ce." Ta shige gida suna masu waving ma juna.

Zaune Maryama ta hangi Hajiya k'asar bishiyar mangwaron da ya zamto wajen shak'atawar ta a can farfajiyan gidan. Hajiya na hangota ta washe baki tanai mata lale domin kuwa Allah Ya had'a jinin ta dana Maryama....  Duk tsangwama da masifah irin ta Hajiya batayi ma Maryama,  hasali ma ita ke taya ta kwana, dukda kuwa cewa harta mahaifiyar Maryaman ba wai ta sha bane a hannun Hajiya.

"Hajiya ta barka da yammaci." Ta fad'i sanda take kwab'e sandals d'inta tana mai zama bisa darduman.

"Yauwa barka Maryama d'iyar albarka, an taso daga bokokon." Hajiya ta amsa sanda take karyan goro....

Maryama ta d'an tab'e fuska kafin tace " Wai ke Hajiya bazaki daina cin goro kina tara cuta ma cikin ki ba koh, kin dai ji abinda Uncle yace makomar mai cin goro.."

Tsegege kurum Hajiya ke kallon ta kafin tace "Tohhh wato kema Attahiru ya koya maki felek'e da firirta irin tasu ta 'yan bokoko ko,..? Ke kekam kikayi nisa a bokon bansan k'ak'a za'a k'are ba,  inaga shinkafa ma sai kin haramta mana cinta... Kodashike ba laifin ki bane,  SHAK'UWA CE da kikayi da Attahiru shi ya cusa maki wannan ra'ayin,  inyi haba..... "
Maryama saida tayi datasanin soma maganar nan domin kuwa tasan shikenan yau kuma Hajiya ta sami maudu'i,  idan ta soma batayi shiru ba.

Mik'ewa Maryama tayi had'i da d'aukar Jakarta kafin ta furta "Bismillahi.... Hajiya ni na shiga ciki.."

Hajiya ta k'ek'ashe idanu tana duban ta kafin tace "Ina Attahirun inji shi ya kawo ku?"

Maryama ta girgiza kai kafin tace "Adaidaita muka biyo."

Hajiya ta tab'e baki kafin tace "Agogo sarkin aiki yana can yana aikatuwa saikace inji."

"Toh ai lada yake samu a aikin nasa." Maryama ta fad'i sanda take saka sandals d'inta.

Hajiya ta kuma tab'e baki kafin ta warware bakin zaninta ta ciro wayar ta ta mik'a wa Maryama tace "Ungo maza kira mani lambar sa."

Maryama tasa hannu ta amshi wayar snn ta soma dialing layin AT.  Ta kira yafi abinda yafi ba'a d'aga ba.  Haba nan fah Hajiya ta soma sababi babu ji babu gani,  wai da gangan yak'i d'aga wayar ta....  Ummi dake can sashen su saida tajiyo sababin da Hajiya take,  ta fito don ganin da waye Hajiya take fad'an nan, ganin babu yara masu d'iban ruwa sai Maryama abin ya bata mamaki don tasan ko meye Maryama ta mata basa fad'a, kai idan sunyi fad'ar ma Maryama ta mata yaji da kanta take zuwa tayi bikon ta ta dawo da ita,  don kuwa ba kad'an take k'aunar Maryama ba.....  Kai harta Ilu mai gadi saida ya baro benchin sa ya nufo wajen shima....  Haba nan fah ta kuma kaure su da fad'a...  Maryama kam me zatayi banda dariya,  kai har tana Alla Alla Uncle yazo ta labarta masa.

**********

Sajida tana shigowa ta tarar da Momma zaune a parlor tana kallon tashar wasan kwaikwayo.  Fad'awa jikin ta tayi a guje had'i da zama bisa cinyar ta.... Momma ta rungume ta tana fad'in "Inye lallai jikar tawa ta k'ara girma sosai, saura kawai ta kawo mana miji mu sha biki."

Sajida ta turo baki kafin tace "Haba Momma 'yar ni d'in nan,  ai yanzu na soma karatu,  sai na gama karatu na soma aiki kaman Aunty Shema'u kafin nayi aure..."

Momma dai murmusawa kurum tayi kafin tace "Bani fatan ki dad'e babu aure kaman Shema'u,  duk maneman ta koran su take,  toh yanzu dai da alama wannan likitan abokin mahaifin ki bazata korasa ba."

Sajida ta mik'e tana fad'in "Wai ina suke ne ma,  nasan yau Momy da Aunty Shemah za'a k'ule a d'aki ana labarai."

"Auw! Ba tare kuke bane? " Momma ta tambaya.

Sajida ta girgiza kai kafin tace "A'a ni yanzu sauk'ata daga adaidaita,  Daddy baije ba Momy ma haka,  kuma malam iro bashida lafiya kwana biyu dama baya zuwa. Ce maki tayi zata d'auko mu ita Momyn.?"

Momma ta jinjina kai kafin ta dubi agogon bangon dake mak'ale a parlorn tace "Oh ni Kulu,  wato dai Shema'u da Aysha idan suka had'u sai yanda mai ya k'are masu,  wai fah gidan k'awarsu zasu a nan Hotoro amma kinji shiru har yanzu,  kuma ita Ayshan da tayi waya ma Daddyn ku ta fad'i masa zasu fita tabbas yace su biya su d'auko ki makaranta,  sunje sun shantak'e sun sami surutu."

Sajida ta murmusa kafin tace "Momma ai gashi na dawo,  dama Aunty Shemah da Momy suka fita kam ai sai an gansu,  nasan gaba d'aya Malls d'in garin nan sai  sun zaga tas..... Bara naje na cire uniform" ta k'arashe tana d'an tsalle jaka da hijabi duka a hannu ta nufi upstairs.

Momma na nan zaune na tunani, haka kurum take jin gabanta na fad'uwa kaman wani abu zai sami yaran nata,  musamman idan ta tuna Aysha ba k'oshin lafia bane da ita,  k'aramin juna biyu gareta....  Tana cikin tunanin wayar ta dake saman center table Ya d'auki ruri ... Saida ta d'an firgita kafin ta d'au wayar.

Ganin bak'uwar lamba ce ya kuma sauk'ar mata da wani matsanancin fad'uwar gaba... Hannu na b'ari ta d'auki wayar tana amsawa.

Wani k'ara Momma ta Saki babu salati balle ambaton Allah ta shiga rusa kururwa tana fad'in "Wayyo ni Kulu na shiga uku,  'ya'ya na,  wayyo 'ya'ya na... Wayyo Allah na...."  Ai a tamanin Sajida dake d'akin ta tana zura riga ta nufo downstairs,  su Jamal da Ni'ima harda Baba Delu suma suka nufo parlorn a tamanin...

Hajiya tana ganinsu ta k'arasa ta rungume su gaba d'aya tana kuka.... Tambayar ta suke meke faruwa amma ko kad'an bata sami zarafin amsa su ba...  Ta dubi Baba Delu kafin tace ta tsaro masu tasi su tafi....  Momma ko la'akari da k'arancin shekarun Jamal da Ni'ima batayi ba haka ta dinga kuka ta kwashe su suka tafi asibiti,  suma yaran haka suka dinga kuka ganin kakar tasu na kuka......

**********

Yana rungume da ita cikin jikin sa,  kansa na kwance bisa k'irjin ta haka yake kuka kaman k'aramin yaro,  su Hajiya Ummi da Kuma Maryama suna gefe suna nasu kukan suma,  Dr Hisham sai k'ok'arin janye AT yake amma fir yak'i sakin Aysha,  dole haka ya k'yalesa still yana rungume da ita yake kuka tamkar k'aramin yaro.

Ai su Momma suna shigowa wani sabon kuka ya kaure,  Maryama ta k'arasa da sauri ta rungume Sajida data koma tamkar gunki ganin mahaifiyar ta kwance saman gado bata numfashi idanunta a rufe ruf ga kuma mahaifin ta rungume da ita yana kuka wanda bata tab'a ganin hakan daga garesa ba...  Tuni su Jamal da Ni'ima sun k'arasa wajen suna kuka,  cikin sauri Ummi ta d'auke su ta fice dasu...

Da k'yar Hajiya ta janye AT daga jikin matar sa.  Su Dr Hisham sai kai komo ake sai ka rantse aminin arziki ne. AT rungume mahaifiyar sa yayi yana kuka sosai yana fad'in" Hajiya Aysha ta tafi....  Ta tafi ta barni... " Hajiya ta matsi k'walla tana rik'e dashi take fad'in" Kayi hak'uri, kayi hak'uri Attahiru,  kayita karanto innalillahi kaji....."  Momma ta k'arasa kan d'iyarta sanda za'a fita da ita,  tana kuka tamkar ranta zai fita...  Sam babu wanda yabi takan Shema'u dake kwance d'aya d'akin...

Tana kwance tana tunani taji an tab'a k'ofa...  A tamanin tayi saurin sakin jiki irin ta mai jinya ta rufe idanun ta...

Dariya ya kwashe dashi kafin yace " Bud'e idanun ki abinki ba wad'anda kike tunani bane. " Ya k'arashe yana mai zama gefen ta..

Bud'e idanunta tayi kafin ta dubi Dr Hisham tace " Ina AT,  yanacan yana kuka akan gawar matar sa koh?"

"Keda kika sani, yana can yana rungume da ita da k'yar aka b'anb'are su,  kaman a bisne su tare... " Hisham ya fad'i sanda yake warware drip d'in k'aryar da aka d'aura wa Shema'u.

Shema'u tayi k'wafa kafin tace "Aysha dukda ta mutu wato sunfi sonta,  AT da yaranta suna tareda ita,  Momma da banida kowa sai ita itama tana can tare da ita,.." tayi wani murmushi mai cike da ma'anoni kafin tace "Yanzu ne zan kafa soyayya ta cikin zukatan ku,  one by one sai kun so ni da duka zukatan ku."

Hisham ya murmusa kafin yace "Kar ki damu kinada ni,  a hankali ya sauk'o da fuskar sa saitin nata yanai mata wani irin shu'umin kallo,  hannu yasa ya janye masu labulan window kafin ya soma kissing d'inta....

*Sameena Aleeyou Mrs*

Shafinhausa