*SHAK'UWA CE* Part-11

               *SHAK'UWA CE*

          

                              *11*

*©Sameena Aleeyou...✍🏽*

_KAINUWA WRITERS ASSOCIATION 🤝_

Bakinsa har na rawa yake furta "Hajiya Aure.... Aure fah Hajiya.?  Haba,  haba Hajiya, Aysha ko wata biyu,  kai ko wata guda ma bata cika da rasuwa ba kina min maganar aure.? Hajiya idan wani ne daban yayi maganar nan ba ke ba sai yafi min sauk'i....  Kiyi hak'uri Hajiya amma harga Allah bazan iya aure ba,  mace guda nake so gidan duniyar nan kuma ta tafi ta barni ina fatan na had'u da ita a rayuwar da zamuyi gaba...  Hajiya don Allah kiyi hak'uri kiyi maganar komai amma don Allah bada aure kiji tausayi na dan Allah kinji."  Tamkar k'aramin yaro haka ya k'arashe maganar.

Jikin Hajiya ya d'anyi sanyi,  kuma sai yanzu take ganin tamkar ta masa hanzari sosai,  amma kam sam bata son zaman Kulu da d'iyarta a gidan Attahiru.  Saida ta d'an muskuta kafin tace "Shikenan Attahiru naji bazakayi aure yanzu ba,  amma kasa a ranka bazaka tabbata a haka ba, dole wata rana zakayi aure ko don inganta rayuwar iyalanka..  Sannan magana ta gaba shine sam ban yarda wannan zabon ta ringa kai Maryama makaranta ba,  idan dreban nasu bai dawo bakin aiki ba ka nemi wani ko kuma kake zuwa da kanka kana kaita.  Ka fahimce ni."

Gyad'a kai AT yayi kafin yace "Insha Allahu ma gobe drivern nasu zai dawo,  za'a kiyaye insha Allah."

Saida ta jinjina kai kafin tace "Yayi,  Allah shi maka albarka."

AT ya amsa da "Ameen Hajiyata, Hajiyar Maryama." Har ransa yake jin dad'in albarkan da Hajiya ke saka masa dukda wani sa'in tanada wuyan sha'ani.

Murmushi Hajiya ma tayi don kuwa sosai take son d'an nata, tunda shi kad'ai Allah Ya mallaka mata.

***************

Washe gari Sajida sam bata wani sake da Maryama ba, sai faman tattamke fuska take. Har aka fito exams Maryama kuwa bata daina bata hak'uri ba.

Fuska a d'aure Sajida tace "Maryama wllhi idan Aunty Shemah ta tafi bazan tab'a yafe maki ba, don kece sila.

Maryama ta murmusa kafin tace "Sajida insha Allah Aunty Shema'u bazata tafi ba,  zata zauna tareda ke..  Na kula SHAK'UWA CE mai k'arfi a tsakanin ku.".

D'an tab'e baki Sajida tayi kafin tace "K'warai kuwa,  SHAK'UWA CE mai k'arfi a tsakanin mu wanda babu wanda ya isa ya tsinka ta."

Sauk'e ajiyan zuciya Maryama tayi kafin tace "Sajida no matter what happens ki sani I'll always be your friend kuma 'yar uwarki, don Allah kar ki tab'a mance wannan."

D'an kallon ta Sajida tayi don kuwa tabbas akwai Shak'uwa da soyayyan juna tsakanin ta Maryama,  basu da shirgin k'awaye sai su biyun su tun tasowar su,  saiko wad'anda ba'a rasawa.  Tunawa tayi she needs Maryama now more than ever, ta tuna abinda Aunty Shemah ta fad'i mata cewa ta tambayi Maryama ta had'ata da Buzu.  Cikin sauri tayi murmushi kafin ta kamo hannun Maryama tace "Hakane 'yar uwa. Nima kiyi hak'uri pls."

Murmushi Maryama tayi kafin tace "Mu k'arasa mazaunin mu..."   A tare suka jera suna tafiya kaman babu wani abu da ya shiga tsakanin su,  nan suka hangi k'awarsu Fadila Talba ta nufi motar su anzo d'aukar ta,  sai faman d'aga masu hannu  take alamun sai gobe, suma waving d'in suka mata Sajida ta bud'e murya tace "Fadee don't forget to study hard."

Daga can Fadila tace "Wannan saidai ki gaya ma Maryama allazi boko, tunda bokon ba do or die bane..."   Gaba d'aya sukayi dariya don   haka nan Fadila take sam babu ruwanta da b'oyo.

Bayan sun zauna a mazaunin su Sajida ta dubi Maryama kafin tace "Maryama waini ya labarin Buzu ne.?"

"Yana nan mana, ko shekaran jiya ma nasha kin gansa sanda kuka ajiye ni. Meyasa kika tambaya. ?"

Shek'eke Sajida ta kalleta kafin tace "Ban gane meyasa na tambaya ba,  kaman baki san dalilin da yasa nayita nacin kuke gaisawa da mutunci dashi ba."

Tsaf Maryama ta gane ina Sajida ta dosa,  gyara zamanta tayi kafin ta soma fad'in "Sajida wai har yanzu baki mance da zancen Buzu ba,  wllhi da na d'auka tsaban k'uruciya ce dai kawai yasa kike son sa."

Murmushi Sajida tayi kafin tace "Lallai da alama har yanzu bakisan menen soyayya ba.

Maryama ta murmusa kafin tace "Aah gaskiya ban san soyayya ba kam amma nasan SHAK'UWA."

"Kinga Maryama joke aside pls,  muyi magana ta gaskiya , yanzu yaya za'ayi na ringa had'uwa dashi ba tareda sanin Daddy ba."

"Ban gane ba tareda sanin Uncle ba,  since when kika soma b'oye masa abubuwa..  Sajida we're writing our final Exams kiyi hak'uri mu kammala before ki fara ire-iren wad'an nan tunanin,  sannan had'uwarki da Buzu a b'oye bashida wani alfanu,  idanma auren kike so ai kin kai auren... Na tabbata idan kin gama secondary d'inki Uncle will listen to you,  and he'll understand you, na sani mahaifin ki d'an boko ne kuma yana valuing karatu fiye da komai, tunda shi irin iyayyen nan ne da sam basu da matsala,  kiga yanda yake daku yaransa very friendly,  kai bama ku ba harta nima,  pls Sajida karki betraying that trust da yake dashi akanki...."

Gajeren tsaki Sajida tayi kafin tace "Kinsan burin da Daddy yaci min na karatun likitanci,  kinsan ban isa na je masa da maganar wani saurayi yanzu ba ko... Toh wai ma aure nace maki zanyi yanzun,  kawai dai son shi nake, kinga ai gwara yasan dani tun yanzu gujema kar ya fad'a ma soyayyar wata."

Sauk'e ajiyan zuciya Maryama tayi kafin tace "Amma nidai a ganina ki bari namiji ya fara furta maki kalman so kaman zaifi akan ke ki fara, dukda dai bansan meye so d'inba.

Tsaki Sajida tayi kafin ta mik'a don already anzo d'aukan su,  saida ta watsa ma Maryama mugun kallo kana tace "Ke ai naga irin SHAK'UWAR da kikayi dashi,  Maryama wai son Buzu kike ne.?" tayi tambayar tana tsareta da idanu.

Dariya ma tambayar ta bawa Maryama kafin tace "This is ridiculous,  haba Sajida kar kiyi magana haka,  wllhi ni Maryam banga namiji da zai shiga tsakanina dake ba,  babu shi....  Kawai dai ina so ayi abubuwa ne the right way,  abinda kike son yi ba haram bane amma baki biyo ta hanyar da ya dace ba...  Kiyi tunani akan maganar da na fad'a maki.

Sai yanzu ta yarda da maganar Aunty Shemah,  Maryama is just keeping Buzu for her self ne. Kallon Maryama tayi kafin tace " Shikenan with or without you   Haris zai soni,  he's mine,  ni kad'ai... Idan ma kin fad'a ma soyayyar sa ce ina mai gargad'inki da ki ciresa a ranki... "   Daga haka fuuu ta wuce ta nufi mota.

Sauk'e ajiyan zuciya Maryama tayi cike da mamakin canzawan da Sajida tayi a 'yan kwanakin nan,  girgiza kai kurum tayi kafin ta wuce mota.

************

Hisham ya kalle sa a karo na biyu kafin yace "Dr wai meke damunka ne kam,  kana looking dull tun shigowar ka,  idan tunanin Aisha ne,  hak'uri zakayi Tahir,  Allah shi ya tsara hakan sannan yafika sonta tunda shi ya hallice ta,  Tahir don Allah kake rage ma kanka tunain nan,  you are perfectly aware of the consequences, yanzu sai ciwo ya rafke ka, kaga ba'ayi riba ba."

Fuzar da iska AT yayi had'i da zuba hannayen sa gaba d'aya saman table d'insa kafin yace "Hisham, no matter how hard I try not to think of it...... I just couldn't.. Amma haka ne yanda kace ne,  Allahn da ya d'auketa ya fini sonta sannan Allah yana tareda masu hak'uri da tawakkali,  what worries me the most ,  Hajiya ce."

Hisham ya k'araso ya zauna a kujera mai kallon na AT kafin yace "Hajiya kuma,  me Hajiya tayi.?"

AT ya d'an girgiza Kai kafin yace "Could you just imagine,  wai ta fara min maganar aure,  na sani sooner or later zata kuma yin batun tunda ta fara,  abin ya dameni sosai. Sannan she's asking me na sallami su Shema'u daga gidan,  kasan bazan iya ba,  aside from that yaran sosai suke son Shema'u,  tana d'ebe masu kewar mahaifiyar su,  I was even thinking of asking her to stay a bit longer har sai yaran sun k'ara recovering, amma kaji abinda Hajiya take fad'i.

Shiru Hisham yayi kaman bazaice komai ba sai kuma yace "Toh kai baka son auren ne.?"

Galala AT ya kallesa kafin yace "Aure kuma ni yanzu,  ai babu batun aure yanzu kam a gaba na,  mace guda nake so kuma ta tafi,  kai kasan da hakan."

Hisham ya jinjina kai kafin yace "Haka ne,  amma kasan kaman yanda Hajiya tace bazaka tabbata a haka babu mata ba,  for the sake of your children, tunda Shema'u ba tabbata zatayi a gidanka ba .....you've to keep this in mind."

AT dai baice masa komai ba sai mik'ewa da yayi ya nufi k'aramar fridge d'in dake a cikin office d'in.

Hisham kuwa wani irin dad'i ne ya ziyarce sa,  burinsa ya kusa cika, Sajmal ya kusa zama mallakin sa,  all he needs to do now shine yayi updating Shema'u wannan daddad'an labarin.  Daga nan  store suka nufa don duba magaungunan da basu dashi a asibitin.

**************

"Hello,  kina jina.."  cewar Hisham bayan Shema'u ta d'aga wayan.

Yamutsa fuska tayi kafin tace "Ina jinka mana,  meke faruwa,  what's on the ground.?"

Murmushi Hisham yayi kafin ya labarta mata duk zancen da sukayi da AT.

Mik'ewa tayi tamkar wata zautacciya,  ta k'arasa tasa key ma k'ofarta kafin ta soma fad'in "I'm sick of that old woman,  she's getting on freaking nerves, wllhi wllhi if she keeps on getting on my way zan b'atar da ita..."  Sai huci take tana maganar tana zazzare idanu.

Hisham ya murmusa kafin yace "Kwantar da hankalin ki and don't think of doing anything stupid,  idan kika ci gaba da saye zukatan yaran AT ina mai tabbatar maki kece zaki zama matar sa,  tunda shid'in bashida wacce yake so a halin yanzu,  duk macen da zai so tabbas  tayi grabbing affection d'in yaran sa ne. Don haka kar ki b'ata shirin ki by hurting Hajiya,  just keep on killing her with kindness na tabbata itama eventually zata soki, koda kanta da k'aho ne."

D'an dafe kanta tayi had'i da zama saman couch kafin tace "Hisham baka san wannan uwar tasa bane,  she's insane wllhi batada hankali,  ba abu mai wahala bane ta zab'o masa mata a k'auye...  Amma nasan yanda zanyi,  Shema'u nake,  da kanta zata soni ta zab'a ma d'anta da jikokinta zama dani.."  Daga haka katse wayar tayi tana wani irin huci...  Wata wayar ce ta kuma shigo mata.

Ganin ogan ta ne a wajen aiki yasata d'agawa da k'yar sai faman yatsina fuska take.

Daga d'aya b'angaren Alh Aminu yace "Rankishidad'e kin mance dani, sai kewarki nake."

D'an murmushin yak'e tayi kafin tace "Haba my Alhaji kasan ai bazan mance da kai ba,  wllhi yaran ne sam basu saba da kowa ba sai ni,  mussaman k'aramar cikin su,  wllhi my Alhaji idan ka gansu sai ka zubda k'walla sabida tausayi." Ta k'arashe maganar kaman me shirin yin kuka.

Sauk'e ajiyan zuciya Alh Aminu yayi kafin yace "Shema'u magana ta gaskiya kinsan dai kinyi neglecting aikin ki,  sannan albashi bai yanke maki ba tunda ni ne babba a waje,  amma ki sani duk randa Governor ya kawo ziyara ministry d'inmu akwai babban matsala,  sannan nima ina buk'atan ki tunda kinsan idan ban jiki a jikina ba sam banida kwanciyar hankali, Shema'u don Allah ki bari muyi auren nan na huta..."

Dumm!  Haka taji maganar Alh Aminu,  cike da masifa ta soma fad'in "Lallaima Alhaji,  waye zai aureka yaje cikin wad'an nan locals wives d'in naka,  kaga na maka kama da zama cikin su ne,  sannan da kake min maganar aure yanzu yaran 'yar uwatan ma waye zan barsu,  idan gorin abubuwan da kake min zakayi fine sai mu rabu it's not a big deal ai,  kaima kasan duk yanda na shiga bazan rasa masoya ba."

A daburce Alh Aminu ya soma bata hak'uri "Shema'u kiyi hak'uri sam ba haka nake nufi ba,  sannan maganar matana kinsan bazan tab'a had'aki gida guda dasu ba,  yaran 'yar uwanki kuma kina iya rik'esu koda a gidana ne, amma don Allah kar kice zaki rabu dani."

Murmushin cin nasara tayi kafin tayi k'asa da murya kaman mai shirin kuka ta soma fad'in "My Alhaji kasan bazan tab'a rabuwa da kai ba,  kasan ina sonka sosai,  sannan naso zuwa Jalingo dubaka amma motata ta tawarwatse kasan da ita mukayi had'arin,  wllhi shi ya hanani zuwa,  kuma banida enough cash da na biyo jirgi.."

Alh Aminu yayi wata murmushin jin dad'i kafin yace "Yauwa sanyin rayuwa ta,  shiyasa a kullum nike k'ara sonki,  ai bansan da motarki akayi had'arin ba da tuni an aiko maki sabo,  ki kwantar da hankalin ki,  mota da kud'u suna nan tafe cikin satin nan."

"Allah my Alhaji,  wayyo shiyasa nake k'ara sonka.."  Tayi maganar full of excitement.

Nan suka b'uge da hiran soyayya,  tana gama wayar dogon tsaki taja kafin tace "Banza kawai, ina ni ina kai, babban baho."  tana gama fad'in haka ta mik'e ta nufi d'akin Sajida.

*Sameena Aleeyou Mrs*