Kishi kumullon mata, Uwargida ta zubawa kishiyar ta gubar kashe bera a binci

Hukumar ‘yan sanda a jihar Jigawa t ace
ta kama wata matar aure mai shekaru 45
(ba a bayyana sunan taba), da ake zargi
da kasha kishiyar ta, tanhayar zuba mata
gubar kasha beraye a cikin abinci a
kauyen Kangal dake karamar hukmar
Taura.

Kakakin hukumar ‘yan sanda a jihar, SP
Abdul Jinjiri, ne ya tabbatar da hakan ga
kamfanin dillancin labarai(NAN) na kasa a
Dutse, babban birnin jihar Jigawa.
Jinjiri y ace lamarin ya faru ne ranar 4 ga
watan Mayu yayin da uwargidan ta dafa
abinci amma sai ta zuba gubar a cikin
kason kishiyar ta, Zulfa’u Amadu.
Kwalbar guba
Ya kara da cewar l;amarin ya faru ne
kwana shida kacal da auro amarya Zulfa,u
a kauyen Kangal dake karkashin karamar
hukumar Taura.

“Kamar yadda rahoton mu ya nuna, a ranar
4 ga watan Mayu, wacce ake zargi, a
matsayin tan a uwargida ga mijin su, Malam
Amadu, ta zuba gubar kasha beraye a kason
abincin amaryar.

“Bayan amaryar ta ci abincin ne sai ta fara
murkususun ciwon ciki kafin daga bisani a
garzaya da ita asibiti inda ta mutu tun kafin
a karasa.

Uwargidan ta musanta zargin da ake yi
mata tare da bayyana cewar sun ci abinci
daga kwano daya ne da amaryar da tuni
aka binne ta bisa tsarin addinin Islama.

An dauki abincin ya zuwa asibiti domin
gudanar da gwaji a kan sa, yayin da
hukumar ‘yan sanda t ace zata gurfanar da
uwargidan a gaban kotu da zarar ta
kamala bincike.